2026 “The Story” Translations: Punjabi

“ਵਿੰਡਸਰ ਸਾਡਾ ਨਾਮ ਹੈ”
ਫੁਟਬਾਲ ਵੈਨਕੂਵਰ ਦੇ ਉਪਨਗਰ ਵਿੰਡਸਰ ਵਿੱਚ ਜੀਵਨ ਦਾ ਇੱਕ ਤਰੀਕਾ ਹੈ, ਅਤੇ ਇਸ ਦਾ ਮੁੱਖ ਕਾਰਨ ਚਹਿਲ–ਪਹਿਲ ਵਾਲੀ ਵਿੰਡਸਰ ਕਮਿਊਨਿਟੀ ਅਤੇ ਉੱਥੇ ਦਾ ਖੇਡ ਕੇਂਦਰ ਹੈ | 

ਵਿੰਡਸਰ ਸਟੈਗਸ ਮਹਿਲਾ ਫੁਟਬਾਲ ਟੀਮ ਨੇ ਹੁਣੇ ਹੀ ਚੈਂਪੀਅਨਸ਼ਿਪ ਜਿੱਤੀ ਹੈ, ਅਤੇ ਹਰ ਕੋਈ ਜਸ਼ਨ ਮਨਾ ਰਿਹਾ ਹੈ | ਜੱਜ ਰੌਬਰਟ ਸ਼ੈਲੋ ਆਪਣੇ ਰਿਸ਼ਤੇਦਾਰ ਸਲੈਂਡਰ ਨਾਲ ਪਹੁੰਚਦਾ ਹੈ | ਉਹ ਜੌਨ ਫਾਲਸਟਾਫ, ਇੱਕ ਸਾਬਕਾ ਵਿੰਡਸਰ ਸਟੈਗਸ ਸਟਾਰ, ਨੂੰ ਲੱਭ ਰਹੇ ਹਨ;  ਜਿਸਨੇ ਹੁਣੇ ਹੀ ਸਲੈਂਡਰ ਨਾਲ ਪੈਸਿਆਂ ਦੀ ਠੱਗੀ ਮਾਰੀ ਹੈ | 

ਜਦੋਂ ਉਹ ਫਾਲਸਟਾਫ ਅਤੇ ਉਸਦੇ ਸਾਥੀ ਬਾਰਡੋਲਫ ਅਤੇ ਪਿਸਟਲ ਦਾ ਸਾਹਮਣਾ ਕਰਦੇ ਹਨ, ਤਾਂ ਉਨ੍ਹਾਂ ਵਿੱਚ ਬਹਿਸ ਸ਼ੁਰੂ ਹੋ ਜਾਂਦੀ ਹੈ | ਖੁਸ਼ਕਿਸਮਤੀ ਨਾਲ, ਉਨ੍ਹਾਂ ਨੂੰ ਮਹਿਲਾ ਫੁਟਬਾਲ ਟੀਮ ਦੇ ਪ੍ਰਸ਼ੰਸਕਾਂ ਦੁਆਰਾ, ਉਨ੍ਹਾਂ ਦੇ ਸਟਾਰ ਖਿਡਾਰੀ ਦੇ ਪਹੁੰਚਣ ਕਰਕੇ ਰੋਕਿਆ ਜਾਂਦਾ ਹੈ | ਸਲੈਂਡਰ ਟੀਮ ਦੀ ਕਪਤਾਨ, ਐਨ ਪੇਜ ਉੱਤੇ ਮੋਹਿਤ ਹੋਇਆ ਜਾਪਦਾ ਹੈ, ਪਰ ਕਮਿਊਨਿਟੀ ਸੈਂਟਰ ਦਾ ਕਾਇਰੋਪ੍ਰੈਕਟਰ, ਡਾ. ਕੈਅਸ ਵੀ ਉਸਦਾ ਦਿਲ ਜਿੱਤਣ ਦੀ ਉਮੀਦ ਕਰ ਰਿਹਾ ਹੈ. ਹਾਲਾਂਕਿ, ਅਜਿਹਾ ਲੱਗਦਾ ਹੈ ਕਿ ਐਨ ਪੇਜ ਸਿਰਫ ਪੁਰਸ਼ਾਂ ਦੀ ਫੁਟਬਾਲ ਟੀਮ ਦੇ ਕਪਤਾਨ ਫੈਂਟਨ ਨੂੰ ਹੀ ਪਸੰਦ ਕਰਦੀ ਹੈ | 

“ਦੁਨੀਆ ਮੇਰੀ ਸੀਪ”
ਇਸ ਦੌਰਾਨ, ਥਰਸਟੀ ਦੇ ਪੱਬ ਵਿਖੇ, ਫਾਲਸਟਾਫ ਦੋ ਅਮੀਰ ਕਮਿਊਨਿਟੀ ਮੈਂਬਰਾਂ ਦੀਆਂ ਪਤਨੀਆਂ ਸ਼੍ਰੀਮਤੀ ਫੋਰਡ ਅਤੇ ਸ਼੍ਰੀਮਤੀ ਪੇਜ ਦੀ ਦੌਲਤ ਤੱਕ ਪਹੁੰਚਣ ਲਈ, ਉਨ੍ਹਾਂ ਨੂੰ ਭਰਮਾਉਣ ਦੀ ਯੋਜਨਾ ਬਣਾਉਂਦਾ ਹੈ | ਉਹ ਦੋਵਾਂ ਔਰਤਾਂ ਨੂੰ ਪ੍ਰੇਮ ਪੱਤਰ ਲਿਖਦਾ ਹੈ, ਪਰ ਪਿਸਟਲ ਓਸ ਦਾ ਦੂਤ ਬਣਨ ਤੋਂ ਇਨਕਾਰ ਕਰ ਦਿੰਦਾ ਹੈ ਅਤੇ ਮਿਸਟਰ ਫੋਰਡ ਅਤੇ ਮਿਸਟਰ ਪੇਜ ਨੂੰ ਫਾਲਸਟਾਫ ਦੀ ਯੋਜਨਾ ਬਾਰੇ ਦੱਸ ਕੇ ਚੀਜ਼ਾਂ ਨੂੰ ਹੋਰ ਉਲਝਾ ਦੇਂਦਾ ਹੈ | 

ਅਗਲੇ ਦਿਨ, ਸ਼੍ਰੀਮਤੀ ਫੋਰਡ ਅਤੇ ਸ਼੍ਰੀਮਤੀ ਪੇਜ ਫਾਲਸਟਾਫ ਤੋਂ ਮਿਲੇ ਪੱਤਰਾਂ ਦੀ ਤੁਲਨਾ ਕਰਦੀਆਂ ਹਨ ਅਤੇ ਉਨ੍ਹਾਂ ਨੂੰ ਪਤਾ ਲੱਗਦਾ ਹੈ ਕਿ ਦੋਨੋਂ ਪੱਤਰ ਇਕੋ ਜਿਹੇ ਹਨ | ਦੋਨੋਂ ਪਤਨੀਆਂ ਫਾਲਸਟਾਫ ਨੂੰ ਸਬਕ ਸਿਖਾਉਣ ਅਤੇ ਬਦਲਾ ਲੈਣ ਦੀ ਯੋਜਨਾ ਬਣਾਉਂਦੀਆਂ ਹਨ | ਉਨ੍ਹਾਂ ਨੂੰ ਇਹ ਅਹਿਸਾਸ ਨਹੀਂ ਹੁੰਦਾ ਕਿ ਉਨ੍ਹਾਂ ਦੇ ਪਤੀ ਜਾਣਦੇ ਹਨ ਕਿ ਫਾਲਸਟਾਫ ਕੀ ਕਰ ਰਿਹਾ ਹੈ – ਅਤੇ ਇਹ ਕਿ ਮਿਸਟਰ ਪੇਜ ਜਾਣਦਾ ਹੈ ਕਿ ਉਸਦੀ ਪਤਨੀ ਫਾਲਸਟਾਫ ਦੇ ਜਾਲ ਵਿੱਚ ਨਹੀਂ ਫਸੇਗੀ ਪਰ ਮਿਸਟਰ ਫੋਰਡ ਨੂੰ ਆਪਣੀ ਪਤਨੀ ਬਾਰੇ ਘੱਟ ਯਕੀਨ ਹੈ | 

 ਇੱਕ ਸੁੰਦਰ ਖੇਡ 
ਖੇਡ ਚੱਲ ਰਹੀ ਹੈ | ਫਾਲਸਟਾਫ ਅਤੇ ਮਿਸਿਜ਼ ਫੋਰਡ ਔਰਤਾਂ ਦੇ ਚੇਂਜ ਰੂਮ ਵਿੱਚ ਮਿਲਦੇ ਹਨ, ਪਰ ਸ਼੍ਰੀਮਤੀ ਪੇਜ ਭੱਜਦੀ ਹੋਈ ਅੰਦਰ ਆਉਂਦੀ ਹੈ ਅਤੇ ਇਹ ਦਿਖਾਵਾ ਕਰਦੀ ਹੈ ਕਿ ਮਿਸਟਰ ਫੋਰਡ ਆ ਰਿਹਾ ਹੈ। ਉਹ ਫਾਲਸਟਾਫ ਨੂੰ ਇੱਕ ਗੰਦੇ ਲਾਂਡਰੀ ਹੈਮਪਰ ਵਿੱਚ ਲੁੱਕਣ ਲਈ ਯਕੀਨ ਦੂਆਂਦੀਆਂ ਹਨ, ਪਰ ਓਹ ਹੈਰਾਨ ਹੁੰਦੀਆਂ ਹਨ ਜਦੋਂ ਮਿਸਟਰ ਫੋਰਡ ਅਸਲ ਵਿੱਚ ਤੇਜੀ ਨਾਲ ਅੰਦਰ ਆਉਂਦਾ ਹੈ। ਹਾਲਾਂਕਿ, ਲਾਂਡਰੀ (ਜਿਸ ਵਿੱਚ ਫਾਲਸਟਾਫ ਵੀ ਸੀ) ਨੂੰ ਪਹਿਲਾਂ ਹੀ ਫਾਲਸ ਕ੍ਰੀਕ ਵਿੱਚ ਸੁੱਟ ਦਿੱਤਾ ਗਿਆ ਹੈ | 

ਖੁਸ਼ ਹੋ ਕੇ, ਦੋਵੇਂ ਔਰਤਾਂ ਫਾਲਸਟਾਫ ਨੂੰ ਇੱਕ ਹੋਰ ਗੁਪਤ ਮੁਲਾਕਾਤ ਲਈ ਬੁਲਾਉਣ ਦਾ ਫੈਸਲਾ ਕਰਦੀਆਂ ਹਨ. ਈਰਖਾਲੂ ਮਿਸਟਰ ਫੋਰਡ ਦੁਬਾਰਾ ਉਨ੍ਹਾਂ ‘ਤੇ ਘੁਸਪੈਠ ਕਰਦਾ ਹੈ ਅਤੇ ਫਾਲਸਟਾਫ ਨੂੰ ਆਪਣੇ ਆਪ ਨੂੰ ਸ਼੍ਰੀਮਤੀ ਪੇਜ ਦੀ ਬਜ਼ੁਰਗ ਮਾਸੀ ਦਾ ਭੇਸ ਬਦਲਣ ਲਈ ਮਜਬੂਰ ਕਰਦਾ ਹੈ | ਅੰਤ ਵਿੱਚ, ਹੱਸਮੁੱਖ ਪਤਨੀਆਂ ਆਪਣੇ ਪਤੀਆਂ ਅਤੇ ਭਾਈਚਾਰੇ ਦੇ ਬਾਕੀ ਲੋਕਾਂ ਨੂੰ ਉਸ ਮਜ਼ਾਕ ਵਿੱਚ ਸ਼ਾਮਲ ਕਰਨ ਦਾ ਫੈਸਲਾ ਕਰਦੀਆਂ ਹਨ, ਜੋ ਉਹ ਫਾਲਸਟਾਫ ਨਾਲ ਕਰ ਰਹੀਆਂ ਸਨ, ਅਤੇ ਮਿਲ ਕੇ, ਉਹ ਇੱਕ ਆਖਰੀ ਸ਼ਰਾਰਤ ਬਾਰੇ ਸੋਚਦੇ ਹਨ: ਇੱਕ ਅਜਿਹੀ ਸ਼ਰਾਰਤ ਜਿਸ ਵਿੱਚ ਫਾਲਸਟਾਫ ਦੇ ਪਿਆਰੇ ਸੌਕਰ ਮੈਦਾਨ ‘ਤੇ ਆਖਰੀ ਜਿੱਤ ਦਾ ਜਸ਼ਨ ਸ਼ਾਮਲ ਹੈ।  

ਮੈਕਬੈਥ ਦੇ ਸ਼ਾਨਦਾਰ ਮੰਚਨ ਦੀ ਵੱਡੀ ਸਫਲਤਾ ਤੋਂ ਬਾਅਦ, ‘ਗੌਬਲਿਨਜ਼‘ ਹੁਣ ਸ਼ੈਕਸਪੀਅਰ ਤੋਂ ਅੱਗੇ ਵਧ ਕੇ, ਮੈਕਬੈਥ ਦੇ ਸੰਦਰਭ ਵਿੱਚ ਯੂਨਾਨੀ ਥੀਏਟਰ ਵੱਲ ਆਪਣਾ ਧਿਆਨ ਕੇਂਦਰਿਤ ਕਰ ਰਹੇ ਹਨ। ਜੇਕਰ ਤੁਸੀਂ ਕਲਾਸੀਕਲ ਗ੍ਰੀਕ ਥੀਏਟਰ (ਯੂਨਾਨੀ ਨਾਟਕ) ਤੋਂ ਜ਼ਿਆਦਾ ਜਾਣੂ ਨਹੀਂ ਹੋ, ਤਾਂ ਚਿੰਤਾ ਨਾ ਕਰੋ – ਅਸੀਂ ਤੁਹਾਨੂੰ ਸਾਰੀ ਜਾਣਕਾਰੀ ਦੇਵਾਂਗੇ। ਪਰ, ਮੈਕਬੈਥ ਦੇ ਸੰਦਰਭ ਵਿੱਚ ਇਸਨੂੰ ਪੜ੍ਹਨ ਤੋਂ ਪਹਿਲਾਂ ਚੰਗੀ ਤਰ੍ਹਾਂ ਸੋਚ ਲਵੋ, ਕਿਉਂਕਿ ਇਹ ਬਹੁਤ ਹੀ ਭਿਆਨਕ ਅਤੇ ਦਿਲ ਕੰਬਾਊ ਹੈ। 

‘ਈਡੀਪਸ ਦ ਕਿੰਗ’ (ਗੈਰ-ਗੋਬਲਿਨ ਸੰਸਕਰਣ)
ਥੀਬਸ ਨੂੰ ਸਪਿੰਕਸ ਤੋਂ ਮੁਕਤ ਕਰਾਉਣ ਤੋਂ ਬਾਅਦ, ਈਡੀਪਸ ਰਾਜਾ ਬਣ ਜਾਂਦਾ ਹੈ ਅਤੇ ਹਾਲ ਹੀ ਵਿੱਚ ਵਿਧਵਾ ਹੋਈ ਮਹਾਰਾਣੀ ਜੋਕਾਸਟਾ ਨਾਲ ਵਿਆਹ ਕਰਦਾ ਹੈ। ਕਈ ਸਾਲਾਂ ਬਾਅਦ, ਇੱਕ ਘਾਤਕ ਪਲੇਗ ਸ਼ਹਿਰ ਨੂੰ ਤਬਾਹ ਕਰ ਦੇਂਦਾ ਹੈ। ਈਡੀਪਸ ਆਪਣੇ ਸਾਲੇ, ਕ੍ਰਿਓਨ, ਨੂੰ ਆਖਦਾ ਹੈ ਕਿ ਉਹ ਭਵਿੱਖਬਾਣੀ ਕਰਨ ਵਾਲੇ ਨਬੀ ਕੋਲੋਂ ਪਲੇਗ ਬਾਰੇ ਜਾਣਕਾਰੀ ਹਾਸਿਲ ਕਰੇ। ਨਬੀ ਦੱਸਦਾ ਹੈ ਕਿ ਮਹਾਂਮਾਰੀ ਤਾਂ ਹੀ ਖਤਮ ਹੋਵੇਗੀ ਜਦੋਂ ਪੁਰਾਣੇ ਰਾਜਾ ਲਾਇਅਸ ਦੇ ਕਾਤਲ ਨੂੰ ਲੱਭ ਕੇ ਸਜ਼ਾ ਦਿੱਤੀ ਜਾਵੇਗੀ। ਜਾਂਚ ਵਿੱਚ ਸਹਾਇਤਾ ਲਈ, ਓਡੀਪਸ ਟਾਇਰੇਸੀਅਸ ਨਾਮ ਦੇ ਇੱਕ ਅੰਨ੍ਹੇ ਪੈਗੰਬਰ ਨੂੰ ਬੁਲਾਉਂਦਾ ਹੈ, ਪਰ ਟਾਇਰੇਸੀਅਸ ਉਹ ਕੁਝ ਦੱਸਣ ਤੋਂ ਇਨਕਾਰ ਕਰ ਦਿੰਦਾ ਹੈ ਜੋ ਉਸਨੇ ਪਹਿਲਾਂ ਹੀ ਦੇਖ ਲਿਆ ਹੈ। ਦੋਵਾਂ ਵਿਚਕਾਰ ਬਹਿਸ ਹੁੰਦੀ ਹੈ, ਅਤੇ ਅਖੀਰ ਵਿੱਚ ਟਾਇਰੇਸੀਅਸ ਓਡੀਪਸ ਨੂੰ ਹੀ ਕਾਤਲ ਹੋਣ ਦਾ ਦੋਸ਼ੀ ਠਹਿਰਾਉਂਦਾ ਹੈ। ਜਿਵੇਂ ਹੀ ਟਾਇਰੇਸੀਅਸ ਜਾਣ ਲੱਗਦਾ ਹੈ, ਉਹ ਸੰਕੇਤ ਦਿੰਦਾ ਹੈ ਕਿ ਈਡੀਪਸ ਆਪਣੇ ਬੱਚਿਆਂ ਦਾ ਪਿਤਾ ਅਤੇ ਭਰਾ ਦੋਵੇਂ ਹੋਵੇਗਾ, ਅਤੇ ਆਪਣੀ ਪਤਨੀ ਦਾ ਪੁੱਤਰ ਹੋਵੇਗਾ। 

ਜੋਕਾਸਟਾ ਨੇ ਈਡੀਪਸ ਨੂੰ ਇਹ ਕਹਿ ਕੇ ਭਰੋਸਾ ਦਿਵਾਇਆ ਕਿ ਸਾਰੀਆਂ ਭਵਿੱਖਬਾਣੀਆਂ ਸੱਚ ਨਹੀਂ ਹੁੰਦੀਆਂ। ਹਾਲਾਂਕਿ ਇੱਕ ਨਬੀ ਨੇ ਉਸਨੂੰ ਦੱਸਿਆ ਸੀ ਕਿ ਲਾਅਸ ਨੂੰ ਉਸਦੇ ਪੁੱਤਰ ਦੁਆਰਾ ਕਤਲ ਕਰ ਦਿੱਤਾ ਜਾਵੇਗਾ, ਪਰ ਅਸਲ ਵਿੱਚ ਲਾਅਸ ਨੂੰ ਇੱਕ ਚੌਰਾਹੇ ‘ਤੇ ਡਾਕੂਆਂ ਦੁਆਰਾ ਮਾਰ ਦਿੱਤਾ ਗਿਆ ਸੀ। ਇਹ ਗੱਲ ਈਡੀਪਸ ਲਈ ਚਿੰਤਾ ਦਾ ਵਿਸ਼ਾ ਬਣ ਜਾਂਦੀ ਹੈ, ਜਿਸ ਨੇ ਕਦੇ ਉਸੇ ਚੌਰਾਹੇ ‘ਤੇ ਆਤਮ-ਰੱਖਿਆ ਵਿੱਚ ਇੱਕ ਆਦਮੀ ਨੂੰ ਮਾਰ ਦਿੱਤਾ ਸੀ। ਉਹ ਲਾਇਸ ਦੇ ਕਤਲ ਦੇ ਇੱਕੋ-ਇੱਕ ਚਸ਼ਮਦੀਦ ਗਵਾਹ, ਇੱਕ ਚਰਵਾਹੇ, ਨੂੰ ਬੁਲਾਉਂਦਾ ਹੈ, ਤਾਂ ਜੋ ਇਹ ਪਤਾ ਲਗਾਇਆ ਜਾ ਸਕੇ ਕਿ ਕੀ ਹੋਇਆ ਸੀ। ਈਡੀਪਸ ਇਹ ਵੀ ਦੱਸਦਾ ਹੈ ਕਿ ਉਸਨੇ ਕੋਰਿੰਥ ਵਿੱਚ ਆਪਣਾ ਜੱਦੀ ਸ਼ਹਿਰ ਇੱਕ ਭਵਿੱਖਬਾਣੀ ਮਿਲਣ ਤੋਂ ਬਾਅਦ ਛੱਡ ਦਿੱਤਾ ਸੀ, ਜਿਸ ਵਿੱਚ ਕਿਹਾ ਗਿਆ ਸੀ ਕਿ ਉਹ ਆਪਣੇ ਪਿਤਾ ਨੂੰ ਮਾਰ ਦੇਵੇਗਾ ਅਤੇ ਆਪਣੀ ਮਾਂ ਨਾਲ ਅਪਵਿੱਤਰ ਸੰਬੰਧ ਬਣਾਵੇਗਾ। 

ਇੱਕ ਸੰਦੇਸ਼ਵਾਹਕ ਖ਼ਬਰ ਲੈ ਕੇ ਆਉਂਦਾ ਹੈ ਕਿ ਈਡੀਪਸ ਦੇ ਪਿਤਾ, ਪੌਲੀਬਸ ਦੀ ਮੌਤ ਹੋ ਗਈ ਹੈ। ਈਡੀਪਸ ਨੂੰ ਇਹ ਜਾਣ ਕੇ ਰਾਹਤ ਮਿਲਦੀ ਹੈ, ਪਰ ਆਖਦਾ ਹੈ ਕਿ ਕਿਉਂਕਿ ਉਸਦੀ ਮਾਂ ਮੇਰੋਪ ਅਜੇ ਵੀ ਜ਼ਿੰਦਾ ਹੈ, ਇਸ ਲਈ ਭਵਿੱਖਬਾਣੀ ਦਾ ਦੂਜਾ ਹਿੱਸਾ ਅਜੇ ਵੀ ਸੱਚ ਹੋ ਸਕਦਾ ਹੈ । ਇਹ ਸੁਣ ਕੇ, ਸੰਦੇਸ਼ਵਾਹਕ ਈਡੀਪਸ ਨੂੰ ਚਿੰਤਾ ਨਾ ਕਰਨ ਲਈ ਕਹਿੰਦਾ ਹੈ, ਕਿਉਂਕਿ ਪੋਲੀਬਸ ਅਤੇ ਮੇਰੋਪ ਉਸਦੇ ਅਸਲ ਮਾਤਾ-ਪਿਤਾ ਨਹੀਂ ਹਨ । ਇੱਕ ਚਰਵਾਹੇ ਨੂੰ ਈਡੀਪਸ ਇੱਕ ਤਿਆਗ ਦਿੱਤੇ ਬੱਚੇ ਵਜੋਂ ਮਿਲਿਆ ਸੀ ਅਤੇ ਉਸਨੇ ਸ਼ਾਹੀ ਪਰਿਵਾਰ ਦੁਆਰਾ ਉਸਦੀ ਪਰਵਰਿਸ਼ ਕਰਨ ਦਾ ਪ੍ਰਬੰਧ ਕੀਤਾ ਸੀ। ਜਦੋਂ ਚਰਵਾਹਾ ਆਉਂਦਾ ਹੈ, ਤਾਂ ਉਹ ਸੱਚਾਈ ਦਾ ਖੁਲਾਸਾ ਕਰਦਾ ਹੈ ਕਿ ਅਪਣੀ ਕਿਸਮਤ (ਭਵਿੱਖਬਾਣੀ) ਤੋਂ ਡਰਦੇ ਹੋਏ, ਲਾਇਅਸ ਅਤੇ ਜੋਕਾਸਟਾ ਨੇ ਚਰਵਾਹੇ ਨੂੰ ਆਪਣੇ ਨਵਜੰਮੇ ਪੁੱਤਰ ਈਡੀਪਸ ਨੂੰ ਮਾਰਨ ਦਾ ਹੁਕਮ ਦਿੱਤਾ ਸੀ, ਪਰ ਚਰਵਾਹੇ ਨੇ ਬੱਚੇ ਨੂੰ ਕੋਰਿੰਥ ਭੇਜ ਦਿੱਤਾ ਸੀ। ਸੱਚਾਈ ਜਾਣ ਕੇ ਬੁਰੀ ਤਰ੍ਹਾਂ ਡਰਿਆ ਹੋਇਆ ਈਡੀਪਸ ਮਹਿਸੂਸ ਕਰਦਾ ਹੈ ਕਿ ਜੋ ਭਵਿੱਖਬਾਣੀ ਉਸਨੇ ਸੁਣੀ ਸੀ, ਉਹ ਸੱਚ ਹੋ ਗਈ ਹੈ – ਅਤੇ ਉਹ ਆਪਣੀ ਦੁਖਦ ਕਿਸਮਤ ਤੋਂ ਕਦੇ ਵੀ ਨਹੀਂ ਬਚ ਸਕਦਾ ਸੀ।